Ha Long, “mjesto gdje se zmaj spušta u more”

    #Zanimljivosti #HaLong #Tonkin #Zaliv

    Ha-Long-4.jpg

    U zalivu Tonkin, u Quang Ninh pokrajini u Vijetnamu nalazi se spektakularno čudo prirode: Ha Long, zaliv koji pokriva površinu od 1.553 kvadratna kilometra, a u kojem se nalazi više od 1960 ostrva različitih veličina, od kojih su većina nenaseljena i čija je priroda ostala netaknuta hiljadama godina.

    Ovaj veličanstveni prirodni krajolik je postao poznat po malim ostrvima koji ‘štrše’ iz mora, svaki oblikovan drugačije vremenom i prirodnim silama i svaki jedinstven na svoj način. Na nekim su formirani prirodni lukovi, dok su drugi ispunjeni manjim ili većim stijenama.

    Najveći vijetnamski mislilac, Ngujen Trai, je prije 500 godina opisao Ha Long kao “Čudo od kamena na nebesima.”

    Ha Long doslovno znači “mjesto gdje se zmaj spušta u more”, a legenda tvrdi da je sve ove otoke stvorio veliki zmaj iz planine. Kada se spuštao prema obali repom je iskopao doline, a kada je napokon pao u more područje se napunilo vodom, ostavljajući samo vrhove planina na površini.

    Pročitajte još:   Upoznajte kerušu koja nije htjela da radi za CIA

    Ovaj jedinsven krajolik poznat je po biodiverzitetu, i uključuje 14 endemskih biljnih vrsta i 60 endemskih životinjskih vrsta. Zaliv je 1962. godine zaštićen kao nacionalna baština, a 1994. godine je upisan na UNESCO-v popis mjesta svjetske baštine u Aziji i Okeaniji kao mjesto “nedirnuto ljudskom rukom, naročite ljepote i velike biološke važnosti.”

    Izvor: Cafe Del Montenegro

    Želite i vi da pišete za Crnu Goru? Javite nam se!

    Ostavite komentar