Novi udarac za Audi: Zaustavljena prodaja benzinaca

#Automobili #Audi #Benzinac

maxresdefault-33.jpg

Benzinske verzije modela A4 i A5, kao i njihove S varijante će najmanje dva mjeseca biti nedostupne na tržištu.

Kako piše australijski Motoring, njemački premium proizvođač je prisiljen da zaustavi prodaju benzinskih 2.0 TFSI verzija modela A4 i A5, i to zbog činjenice da ne mogu postići deklarisanu potrošnju goriva.

U Audiju kažu da implementacija mild-hybrid sistema, umjesto da smanjuje, u praksi povećava potrošnju, i to za oko 0,2 l/100 km u odnosu na NEDC standard.

“Ima sistem blažeg hibrida koji mijenja potrošnju za 0.2 do 0.3 l/100 km. Toliko je lošija potrošnja. Sistem djelimičnog hibrida ne funkcioniše u testnom ciklusu. Kao korisnik ćete doživjeti efekat i prednosti. Lošiji su rezultati u laboratoriji, ali bolji na putu”, rekao je predstavnik Audija za medije.

Nešto drugačije je u slučaju modela S4 i S5 kod kojih promjene softvera 3.0 V6 turbo dolaze navodno da bi izgladile krive isporuke snage i momenta u Automatic i Comfort modovima rada, a poboljšale odziv u Dynamic modu.

Nažalost, nakon tih modifikacija motor ima veću potrošnju od deklarisane.

U Audiju kažu da će cijeli proces odobravanja modifikacija i pripreme novih promo materijala trajati do dva mjeseca.

Zato je prodaja spornih verzija do daljeg obustavljena u 27 evropskih zemalja.

Izvor: Cafe Del Montenegro



Želite reklamu na Portalu Crna Gora? Javite nam se!

Želite i Vi da pišete za Crnu Goru? Pridružite nam se!