Mišljenje stručnjaka: Bolje čašica više nego život bez alkohola

By kristina jerkov

1609picaaa


D
oktor Kari Poikolainen vjeruje kako je za zdravlje bolje popiti i malo više od preporučenih količina, nego biti totalni antialkoholičar, prenosi Avaz.

Jedna čaša vina nakon ručka, opšte je prihvaćeno kao nešto što je dobro za čovjekovo zdravlje. Onda će vas sigurno iznenaditi tvrdnje da možete dnevno popiti i cijelu bocu, a da to neće imati nikakve loše posljedice.

Naime, dr Kari Poikolainen, koji je radio za Svjetsku zdravstvenu organizaciju, već decenijama proučava uticaj alkohola na ljudsko tijelo. Došao je do zaključka da je alkohol štetan samo ako se dnevno konzumira u većim količinama. Ovaj stručnjak tvrdi da dnevno možete bez straha popiti 2,5 litra piva ili jednu bocu vina.

Takođe vjeruje kako je za zdravlje bolje popiti i malo više od preporučenih količina, nego biti totalni antialkoholičar.

– Dokazi upućuju na to da je umjereno konzumiranje alkohola bolje za zdravlje nego da se uopšte ne pije. Isto tako, prekomjerno pijenje mnogo je gore od apstiniranja. Ali, dozvoljene su veće količine od onog što se uobičajeno preporučuje, odnosno bez straha možemo popiti više od čaše vina dnevno – kazao je Poikolainen za Dejli meil (Daily Mail).

Odmah su se javili i drugi stručnjaci koji tvrde suprotno: alkohol je štetan i njegovim konzumiranjem više štetimo nego doprinosimo zdravlju.

Foto: avaz.ba

Izvor: Analitika

Advertisements
Želite reklamu na Portalu Crna Gora? Javite nam se!

Želite i Vi da pišete za Crnu Goru? Pridružite nam se!