U junu urađene 284 kateterizacije i 106 stentova

#Društvo #Kataterizacije #Stentovi

bulatoooviccc.jpg

Direktor Klinike za bolesti srca dr Nebojša Bulatović kaže za Vikend novine da su u junu, u Centru za kardiologiju, urađeno čak 284 intervencija na krvnim sudovima – kateterizacija, a da je 106 pacijenata dobilo stentove.

“Od 1. do 13. jula urađeno 107 kateterizacija, od kojih su 33 pacijenta dobili stent. Najbitnije je da na listi čekanja nemamo više hitnih slučajeva. Na listi čekanja trenuto imamo 350 ljudi za redovne kateterizacije i upravo ovih dana pozivamo naše pacijente koji su na listu stavljeni u februaru ove godine. Radi se u dvije smjene, a praznicima i subotom, po ugovoru o dopunskom radu. Cilj je da se smanje liste čekanja, da se pacijentima što prije ukaže pomoć i to je rezultiralo smanjenjem listi čekanja, i ogromnim brojem urađenih kateterizacija”, kaže dr Bulatović.

Direktor Klinike za bolesti srca ističe da je angio sala, odnosno sala za kateterizaciju na raspolaganju 24 sata i da, uz redovne intervencije, svi hitni slučajevi budu zbrinuti u najkraćem mogućem roku.

“Angio sala je dostupna uvijek tokom dana i noći, što je presudno u slučajevima kada imamo pacijente sa infarktom. Što je duže vremena od početka bola, to više dolazi do oštećenja miokarda. Dakle, najvažnije je da se što prije reaguje. U Centru za kardiologiju imamo u svakom trenutku spremne i ljekare i salu”, poručuje dr Bulatović.

Klinika za bolesti srca, odnosno Kardiologija, dobiće uskoro još jednu salu za kateterizaciju.

“Nova sala biće postavljena na mjestu na kojem je sada sala za pejsmejkere i fiziologiju, i interventna radiologija. Ali, ta sala je već dotrajala i spremna je za zamjenu. Pripremamo i ljekare koji će raditi u novoj angio sali. Četvoro kolega je na specijalizaciji, a to je dovoljan broj da i za drugu, novu salu, uvijek imamo spremnu ekipu”, kaže drBulatović.

Naglašava da bi trebalo raditi i na povećanju smještajnih kapaciteta, jer je 40 kreveta, koliko ima na ovoj klinici, malo, s obzirom na potrebe.

Izvor: Cafe Del Montenegro

1 komentar

  1. Divim se iskljucivo ovim ljudima . Spasavaju zivote drugih, bez onog ALI I KADA! !!
    Svaka cast, to su ljekari , to su LJUDINE !!!
    Predlazem dobre nagrade za citavo osoblje, mislim na one materijalne, za njih se ne smije stedjeti. ..

Napišite komentar